Әлем • 01 Ақпан, 2020

Қырғыз азаматтарына АҚШ-қа виза берілмейді

1191 рет
көрсетілді
1 мин
оқу үшін

АҚШ президенті Дональд Трамп алты ел азаматтарына иммиграциялық виза беруді тоқтату туралы шешім қабылдады, оның ішінде көршілес Қырғыз елі де бар.

Қырғыз азаматтарына АҚШ-қа виза берілмейді

Америка Құрама Штаттары Эритрея, Қырғызстан, Нигерия, Судан, Мьянма және Танзания азаматтарының келуін шектейді. Бұл мемлекеттердің тұрғындарына АҚШ-та тұрақты түрде қалуға мүмкіндік беретін визалар берілмейді.

Өткен жылы Трамп иммигранттар Құрама Штаттарында қандай да бір лотерея жүйесі арқылы емес, сіңірген еңбегі бойынша тұруға  рұқсат етілуі керек екенін мәлімдеген.

АҚШ-тың ішкі қауіпсіздік министрінің міндетін атқарушы Вольфтың айтуынша, бұл елдерге тыйым салуға бірнеше себеп болған. Ол жоғарыдағы елдер Америка Құрама Штаттарының қауіпсіздік туралы ақпарат стандартына сәйкес емес деді.