![Адасқан баланы ата-анасына табыстады](/media/2020/02/05/bala.jpg)
Ақпан айының алғашқы күні түнгі сағат 23:00 шамасында күре жолмен келе жатқан полиция қызметкерлері Сунақ ата ауылы мен 19 разъезд аралығында жүрген баланы байқап қалған. Тоқтап, жөн сұрасқан олар баланың жолға әке-шешесімен бірге шыққанын анықтапты. Автокөлік аялдаған тұста баланың сыртқа шыққанын байқамаған әке-шешесі жолға шығып кете барған.
Бала айтқан белгілер бойынша «Лада-Веста» көлігіне іздеу салған полицейлер көп ұзамай жолаушыларды тапты. Бір таңғаларлығы, Ресейден Тәжікстанға бет алғандар баланың жолда түсіп қалғанын тәртіп сақшылары тоқтатқан кезде ғана біліпті.
Полицейлер бала мен ерлі-зайыптылардың туыстық қатынастарын растайтын құжаттарын тексеріп, сәттілік тілеп шығарып салды.