Облыста алғашқы мәрте ұйымдастырылған жарысқа Өзбекстан, Қырғызстан мемлекеттерінен, Нұр-Сұлтан, Алматы, Байқоңыр қалаларынан және Алматы, Жамбыл, Түркістан, Шығыс Қазақстан, Маңғыстау Қызылорда облыстарынан 12 команда қатысуда.
Жарысқа құрметті қонақ ретінде шақырылған қоғам қайраткері Олжас Сүлейменов Алматы қаласының «КАЗНАУ» командасы құрамында ойын көрсетті. Айта кетейік, бұл жарыс бұған дейін Алматы, Тараз, Атырау қалаларында өтіп келген.
Шарада облыс әкімінің орынбасары Н.Байқадамов аға буынның үлгілі жолын насихаттайтын дүбірлі бәсеке ардагерлерге құрметпен қатар бұқаралық спортты дамытудың тиімді тәсілі екендігін айтты.
- Өскелең ұрпақтың патриоттық рухын көтеретін тағылым мен тәрбие шарасына айналған бұл бастаманың қолдаушылары көп. Қазір облыста осы спорт түрімен 28 мыңнан астам адам шұғылданады, - деді облыс әкімінің орынбасары.
