«Терроризммен күресушілер қатарында біз де бармыз. Былтыр Сирия мен Ирактағы азаматтарымызды қайтару бойынша 4 сәтті операция өткіздік. Осы орайда АҚШ үкіметіне көрсеткен көмегі үшін алғысымды білдіргім келеді», деді Президент.
Осы орайда Ричард Хаастың АҚШ-пен қатынас, әлем саясатындағы рөлі туралы сұрағына Қ.Тоқаев: «Біздің сыртқы саясатымыз үлкен күштер арасында баланс ұстауға негізделген. Жақында ғана АҚШ Мемлекеттік хатшысы Майк Помпео Қазақстанға келді. Бұл да Қазақстан мен АҚШ арасындағы байланыстың нығая түскенін білдіреді. Экономикалық серіктестікке келер болсақ, Қазақстанда АҚШ-тің «Шеврон» сияқты бірнеше үлкен компаниялары жұмыс істейді. АҚШ-тың Қазақстан үшін маңызы зор. Серіктестігіміздің одан әрі дами түсуіне үлкен мүмкіндіктер бар деп ойлаймын», деп жауап берді.
