Кеше Қазақстан Президенті жанындағы Орталық коммуникация қызметінің дәстүрлі брифингінде орталық қызметкері Болат Садықов аптаның негізгі оқиғаларымен таныстырды.
Кеше Қазақстан Президенті жанындағы Орталық коммуникация қызметінің дәстүрлі брифингінде орталық қызметкері Болат Садықов аптаның негізгі оқиғаларымен таныстырды.
«16 тамызда ел Президенті Нұрсұлтан Назарбаев Түркітілдес мемлекеттердің ынтымақтастығы Кеңесінің (ТМЫК) Әзербайжан Республикасының Габала қаласында өтетін ІІІ-саммитіне қатысады. ТМЫК-ның бірінші саммиті 2011 жылы Қазақстан Президентінің бастамасымен Алматыда өтіп, онда экономикалық ынтымақтастық мәселелері талқыланған болатын. Оның қорытындысы бойынша Алматы декларациясына қол қойылды. Кеңеске 4 мемлекет: Түркия, Қырғызстан, Қазақстан және Әзербайжан кіреді», деді Болат Сыдықов.
Бұдан соң ол 17-20 тамызда Қытай Халық Республикасының Сыртқы істер министрі Ван И Қазақстанға ресми сапармен келетінін, сапар барысында екіжақты кездесулер жоспарланып отырғанын, оның ішінде Қазақстанның Сыртқы істер министрі Ерлан Ыдырысовпен келіссөздер көзделіп отырғанын жеткізді. «Сауда-экономикалық, энергетикалық, шикізат емес және инвестициялық салалардағы екіжақты ынтымақтастықты тереңдету, сондай-ақ, көпқырлы тұрпаттағы өзара әрекеттестіктер, оның ішінде қыркүйек айында болатын ШЫҰ саммиті мәселелері де басты назарда болады», деді ол. Ван Идің ресми сапары үстіміздегі жылғы 6-8 қыркүйекке жоспарланған ҚХР Төрағасының біздің елімізге жасайтын бірінші мемлекеттік сапарының алдында ұйымдастырылып отыр.
Брифингке Сыртқы істер министрінің орынбасары Қайрат Сарыбай да қатысып, Қазақстан Президенті Н.Назарбаевтың «Қазақстан-2050» Стратегиясы – қалыптасқан мемлекеттің жаңа саяси бағыты» Жолдауының сыртқы саяси аспектілеріне қатысты сөз сөйледі.
«Елбасы халыққа қазіргі заманға сай халықаралық өркениеттің дамуы мен ХХІ ғасырдың ғалами қауіп-қатерлері ескерілген Қазақстанның ұзақ мерзімді дамуының жаңа бағдарламасы «2050 Стратегиясын» жария етті. Мұнда 2050 жылға дейін Қазақстанның дүниежүзінде ең дамыған 30 мемлекеттің қатарына ену туралы міндеттер қойылды. Стратегияның ең басты мақсаты – қазақстандықтардың өмір сүру деңгейі мен тұрмыс сапасын түбегейлі көтеру. Аталған мақсаттарға жету үшін және Қазақстанның одан әрі даму векторын анықтау үшін Елбасы Стратегияның басқа да маңызды бағыттарымен қатар, жаңа қауіп-қатерлерге сәйкес халықаралық және қорғаныс саясатын қалыптастыру қажеттілігіне назар аударды», деді осы жөнінде Қайрат Сарыбай.
«Жолдауда сыртқы саясатты заман талаптарына сәйкестендіру үшін арнайы басымдықтар көрсетілген, деді вице-министр әрі қарай. – Олар: аймақтық және ұлттық қауіпсіздікті барынша нығайту, экономикалық және сауда дипломатиясын белсенді түрде дамыту, мәдени-гуманитарлық, ғылыми-танымдық және де басқа сабақтас салаларда халықаралық ынтымақтастықты жандандыру, біздің шетелдердегі азаматтарымыздың құқықтық қорғанысын күшейту, олардың жеке, отбасылық және іс мүдделерін қорғау. Сыртқы істер министрлігі қойылған жаңа стратегияның мақсаты мен міндетін, оған жету үшін қандай әдіс пен тәсіл қолдану, ұзақ мерзімді кезеңде қайда жүруіміз керек екенін анық және нақты көруде». Сондай-ақ, ол Жолдауды сыртқы саяси салада жүзеге асыру бойынша іс-шаралар жоспары қабылданып, оны дәйекті түрде орындау қолға алынғанын, үстіміздегі жылдың наурыз айында СІМ алқасы өткізіліп, онда қажетті тапсырмалар, нақты мерзімдер мен атқарушылар белгіленгенін де атап өтті. «Елбасы өз Жолдауында елдің сыртқы саяси басымдықтарын белгілеп берді. Ол – көрші елдермен – Ресей, Қытай, Орталық Азия мемлекеттерімен, сондай-ақ АҚШ және Еуропа елдерімен әріптестікті дамыту», деді Қ.Сарыбай.
«Азия бағытындағы жетістіктер арасында Елбасының таяуда Иранға жасаған сапары, Премьер-Министрдің орынбасары – Индустрия және жаңа технологиялар министрі Әсет Исекешевтің Жапонияға сапары, сонымен бірге, Сыртқы істер министрі Ерлан Ыдырысовтың Үндістанға ресми сапарын атап өтуге болады. Біз Африкадағы адам дамуы және экономиканың өсу болашағының зор екенін пайымдап отырмыз және бұл аймақтың халықаралық ұйымдар шеңберінде артып келе жатқан саяси маңыздылығын ескерудеміз. Нақ осы себеппен Қазақстан жақын арада Африка одағына бақылаушы ел қатарына қосылуды көздеп отыр», деді ол сөзінің соңында. – Дипломатиямыздың Африка бағытындағы маңызды қадамы ү
