Тағайындау • 20 Ақпан, 2020

Павлодар облысы әкімінің орынбасары тағайындалды

48 реткөрсетілді

Павлодар облысы әкімінің орынбасары болып Сәкен Бейімбетұлы Шаяхметов тағайындалды. Бұл туралы pavlodarnews.kz сайты хабарлады.

Павлодар облысы әкімі баспасөз қызметінің мәліметінше, бүгін Сәкен Шаяхметов Павлодар облысы әкімінің орынбасары қызметіне тағайындалды. Ол 1990 жылы 2 мамырда Алматы қаласында дүниеге келген.

АҚШ-тың Техас университетін (The University of Texas) «Мұнай-газ ісі» және «Экономика» мамандықтары бойынша тәмамдаған. МВА дәрежесін Қытай-Европа халықаралық бизнес мектебінде (China Europe International Business School) алған, сондай-ақ құқық пен дипломатия саласындағы гуманитарлы ғылымдар магистрі (The Fletcher School of Law and Diplomacy, Tufts University).

Оқу кезінде жыл сайын Chevron (АҚШ), J.P. Morgan (Ұлыбритания), Citibank (Алматы), World Bank (АҚШ) сынды компанияларда арнайы ақылы тағылымдамалардан өткен. Еңбек жолын 2011 жылы Атырау облысындағы «Болашақ» зауытында механиктің көмекшісі болып бастады. 2012-2014 жылдары Caspi Meruerty Operating Company B.V. компаниясында экономист болып қызмет етті.

Кейін 2017 жылға дейін магистратурада білім алды. 2017 жылы мемлекеттік қызметке ауысты. 2017-2018 жылдары  Премьер-Министрінің кеңесшісі, ал 2018 жылдың желтоқсанынан бастап Премьер-Министрі Кеңсесі басшысының орынбасары лауазымдарын атқарған. «Сәкен Шаяхметов Президенттік жастар кадрлық резервінің үздік үштігіне енген. Жаңа қызметінде инвестициялар, кәсіпкерлікті және арнайы экономикалық аймағын дамыту мәселелерімен айналысады» деп мәлім етті баспасөз қызметі.

Соңғы жаңалықтар

ForteMobile ұялы байланысы іске қосылады

Технология • Бүгін, 15:22

Ақмолада 3 адам суға кетті

Аймақтар • Бүгін, 13:42

Ұқсас жаңалықтар