Теннис • 22 Ақпан, 2020

Теннис: Елена Рыбакина финалда

195 рет
көрсетілді
1 мин
оқу үшін

Дубайда өтіп жатқан жүлде қоры 2 908 770 АҚШ долларын құрайтын WTA турнирінің жартылай финалында еліміздің бірінші ракеткасы Елена Рыбакина хорватиялық Петра Мартичпен күш сынасты.

Теннис: Елена Рыбакина финалда

Әлемдік рейтингте 15 орында тұрған Петра Мартичқа қарсы бәсеке өте шиеленісті өтті. Қос ойыншы әбден тіресті. Бәсеке екі ретінде де тай-брейкке дейін ұласты.

Десек те шешуші тұста жанкештілік танытқан Рыбакина жеңісті қарсыласының уысынан жұлып әкетті. Есеп – 7:6, 7:6. Осылайша, Елена Рыбакина финалға шықты.