Таным • 26 Ақпан, 2020

Естайдың жаңа суреті табылды

797 рет
көрсетілді
1 мин
оқу үшін

Әйгілі әнші-композитор Естай Беркімбайұлының ескі суреті табылды. Жәдігер Ресейдің орталық мемлекеттік қазіргі заман тарихы мұражайының қорында сақталған екен.

Естайдың жаңа суреті табылды

Суретке «Халық композиторы Естай Беркімбайұлының Павлодардағы Абай атын­дағы орта мектептің оқу­шы­ларымен және ұстаз­да­рымен кездесуі» деп анық­тама берілген. Су­рет 1940 жы­лы Павлодар қала­сында тү­сіріліпті.

Бір топ адамның ортасында отырған өткір көзді, ты­мақ пен шапан киген әнші Ес­тай. Әншінің осы киіммен түс­кен басқа да фо­толары бар. Мәселен, өлке­танушы, журналист Айтжан Бә­делхан құрас­тырған «Ес­тай» атты жинақта әнші-сазгердің дәл осы ты­мақ пен шапанды киіп түс­­кен суреті ұсынылған. Оған «қырқыншы жылда­ры Пав­­лодар қаласында тү­­сі­ріл­ген» деп анықтама бе­рі­ліп­ті. Біздіңше, Ресей мұра­жа­йынан табылған және «Ес­тай» жинағында ұсы­­ныл­ған екі фото да бір уа­қы­тта, бір жер­де түсі­ріл­ген бо­луы әб­ден мүмкін.

Жалпы, қолымызда Естай Беркімбайұлының бес-алты ғана фотосы бар. Сондықтан Ресей мұражайынан табылған бұл сурет біз үшін құнды жә­дігер екені даусыз.

Айтпақшы, «қазақ тарихына қатысты сурет­терді тауып алуға болады» деп Ре­сейдің орталық мем­лекет­тік қазіргі заман тарихы мұ­ра­жайының электронды мекенжайын ұсынған журналист Серікбол Хасан екенін атап өткен жөн. Мұражайдың электронды қорында (goskatalog.ru) біздің ел мен жердің тарихына қатысты көп дерек бар.

 

Фархат ӘМІРЕНОВ,

журналист