Күн тәртібіне қойылған басты сұрақ – шағын және орта көпір құрылыстарын жөндеу және реконструкциялау жұмыстарын ұйымдастыру. Бүгінгі таңда аталмыш мәселе конференцияға қатысқан әр ел үшін өте өзекті. Қазақстан, Ресей және Германия өкілдері көпірлерді жөндеуге қатысты сұрақтарды шешу тәжірибесімен бөлісіп, өз елдеріндегі автомобиль жолдары және көлік салаларын дамытудың негізгі бағыттары туралы айтып берді. Сондай-ақ, кездесу барысында кадрлық әлеует, цифрландыру, жобалық-сметалық құжаттаманы әзірлеу, көпір құрылыстарын диагностикадан өткізу және күтіп ұстау мәселелері қаралған болатын.
Айта кету керек, бүгінгі таңда Қазақстандағы республикалық маңызға ие автомобиль жолдарында 1277 көпір бар. 2019 жылы 5 көпір күрделі жөндеуден өткізілді. Биыл жаңа 148 көпір салынып, 5 көпір күрделі жөндеуден өтетін болады.
