Аймақтар • 05 Наурыз, 2020

Ерекше балалар кабинеті

12 реткөрсетілді

Қазір Ақтөбе өңірінде есту мен сөйлеу қабілеттері қалыпты деңгейден төмен балаларды сауықтыру мен оңалтуға қатысты кешенді шаралар жүзеге асырылуда. Облыстық білім басқармасының дерегінше, өңірде ерекше білім беруді қажет ететін 6370 бала бар. Сондықтан да осы санаттағы қоғамның жас мүшелері мен ата-аналарына тегін кәсіби көмек көрсететін арнайы білім мамандарына деген сұраныс жылдан-жылға өсе түсуде.

 

Бұл тұрғыда педагогикалық-психологиялық тұрғыдағы тү­зеу кабинеттерінің тигізер көмегі көп. Осы бағыттағы арнаулы оқу орындары облыстың барлық ауданында қызмет етеді. Облыс әкімі Оңдасын Ора­залиннің па­йым­дауынша, мұн­дай кабинеттер, айрықша балаларға арналған білім беру интеграциясы шең­беріндегі басты әрі маңызды құ­ралдардың бірі. Өңірде дер­бес жұмыс істеуді қажет ете­тін әлеуметтік рөлі жоғары, ке­дергісіз аумақ­тарды құру ісіне жү­регінің жы­луы мол жандар мен қайы­рымдылық қорлары да қол ұшын созып отыр. Осы орайда Ақтөбе қаласында қос бірдей педагогикалық-психологиялық түзеу кабинетін ашуға «Дара» қоры ұйытқы болғанын айтар едік.

«Әр алуан, бірақ тең: Қазақ­станда инклюзивті қоғамды құру» жобасы аясында ашылған арнаулы кабинеттердің іске қо­сылуы жергілікті атқарушы ор­гандарға түсетін жүктемені азай­­туға сеп­тігін тигізгені анық. Мұндай игі іске жұмыла біл­­гендердің қа­тарында «EastTardeSolutons» ЖШС да бар. Қайырымы мен сауабы мол іс­тің басы-қасында жүрген Гүлнар Досанова мен Рах­мет Дар­мештің бастамалары қандай құрметке де лайықты.

Аталған түзеу кабинеттеріне «Дара» қоры қаражатының есе­бінен бүгінгі заманға сай арнайы жабдықтар мен қон­дырғылар сатып алынған. Бұ­ған қоса 2019 жылдың ақпан айында ашылған кейінгі түзеу кабинетіне күр­делі жөндеу жүргізіліп, ерек­ше балалардың тұтыну қажет­тілігіне қарай бе­йімделген. Мұн­да емдеу-де­не шынықтыру саба­ғына ар­налған жинақ, монтессори бөлмесі, сөйлеу мен есту қа­білетін дамытуға арналған ком­пьютерлік бағдарлама жұ­мыс істейді. Сонымен қатар ба­­ла­малы байланыс тәсілдері, ди­дактикалық және көрнекі материалдар бар.

– Білікті мамандардың балалармен жеке және топтық сабақтар жүргізуіне барлық жағ­­дай жасалған. Кешенді ша­ралармен шұғылданатын ко­манданың қатарында пси­хо­логтер мен педагог-дефек­то­­лог­тер және логопедтер бар, – деді облыстық білім бас­қар­­масының бөлім басшысы Қай­рат Алдамжаров.

Ақтөбе қаласында кейіннен ашылған педагогикалық-психо­логиялық түзеу кабинеті ерекше білім беруді қажетсінетін 150 балаға арналған. Осы арқы­лы Ақтөбеде инклюзивті қоғам құруға тағы бір лайықты қадам жасалды деуге толық негіз бар.

 

АҚТӨБЕ

 

Соңғы жаңалықтар

Шымкентте 22 адамнан Covid-19 анықталды

Коронавирус • Бүгін, 10:05

Ғасыр зұлматы

Қоғам • Бүгін, 09:30

Із қалдырған ірі тұлға

Қоғам • Бүгін, 07:06

Қосаевтар әулетінің қасіреті

Руханият • Бүгін, 06:56

Құрдым (төрттаған)

Әдебиет • Бүгін, 06:20

Ұқсас жаңалықтар