Осыған орай қала әкімі Мұрат Әйтенов Тұран шағынауданында салынып жатқан көп қабатты үйлердің жұмысымен танысты.
Бүгінгі таңда 42 үйдің мердігерлері анықталып, оның 20-да құрылыс басталды. 26 үйдің жобалау-сметалық құжаттамасы әзірленген. Қалған 20 үйдің жобалау-сметалық құжаттамасын әзірлеуге мемлекеттік сатып алу конкурсы жарияланды.
Қала әкімі содан кейін Асар-2 шағынауданында салынып жатқан 1200 орынды мектептің құрылысы басына барды. Жоба бойынша бұл мектептің құрылысы биылдың соңына дейін бітуі тиіс. Дегенмен, қала әкімі М.Әйтенов мердігер компанияға нысанды одан ертерек аяқтауды, сондай-ақ, тиісті мамандарға инженерлік инфрақұрылым мәселесін шешу жолдарын қарастыруды тапсырды. Жалпы, шаһар басшысы кез келген құрылыста сапаның жоғары деңгейде болуын талап етті.
Шымкент
