Оған себеп – әлемнің бірқатар мемлекетінде коронавирус дертінің өршуі. Айналдырған екі-үш ай ғана уақыт аралығында талай адамның өмірін жалмап, төрткүл дүниені дүрліктірген індеттен сақтану мақсатында айтулы команда осындай қадамға баруға мәжбүр болып отыр.
– Наурыз айында шет мемлекеттерде өтетін жалықаралық жарыстардың барлығының да маңызы зор. Біз оларға қуана-қуана қатысатын едік. Бірақ коронавирус дерті ушығып тұрған кезде сақтық шараларын сақтауды жөн санадық. Біздер үшін бәрінен де спортшыларымыздың денсаулығы маңызды. Сол себепті де осындай шешім қабылдадық, – дейді «Астананың» бас менеджері Александр Винокуров.
Сөйтіп, «Астананың» велошабандоздары «Страде Бьянке», «Париж – Ницца» және «Тиррено – Адриатико» көпкүндіктеріне қатыспайтын болды.
