Полиция қызметтік құралды қалай пайдаланып жүр?

Тарқатып айтар болсақ, әкім­ші­лік хаттаманы жазу барысында тәртіп сақ­шы­ла­ры әкім­ші­лік құқық бұзушылық туралы заңның баптарын жаз­ға­ны­мен, ішкі тармақтарын көбіне ашып жаза бермеген. Осылайша заң тармақтарынан шатасып неме­се адам­дар­дың аты-жөнін дұрыс көрсет­пеген. Тіпті учаскелік инспектор да, жол-пат­руль­дік полиция қызметкері де электронды хаттамада өз аты-жөнін зорға жазатын көрі­неді. Әбдімүтәліп Елікбайұлының сөзіне сүйенсек, бұл олқылық құқық бұзу­шы­лықты заң тұрғысынан дұрыс бағам­дауға кері әсерін тигізіп, салдарынан сот бары­сын­д­а әкім­ші­лік істі қайта саралауға мәж­бүр етуде.

Жуырда тіпті электронды план­шетті дұрыс пайдалана алмаған шымкенттік полицейлер оңай олжаға кенелудің жолын іздеп қызметтік құралдарын ломбардқа өткізіп жіберген. Бұл құқық бұзушылық туралы мәлімет Шымкент қалалық ішкі қауіпсіздік дирекциясының экс-капитанына қатысты сот процесі кезінде белгілі болды.

Бір қызығы, қызметтік гад­жет­тердің жо­ғал­­ғаны анық­та­лып, тергеу жүр­гізіл­гені­мен ешкім жұмыстан шығарылмаған. Қыл­мыс­тық іс қозғалып, кейін­нен «қылмыстық құ­қық бұзу­шы­лық­тың анықталмағаны үшін» жабылған.

Бірақ полиция бөлімі лом­бард­­қа әрқай­сы­сы 185 мың теңге­ тұратын алты план­­шеттің өткі­зіл­генін растап отыр. Сон­да «бұл планшеттер ломбардқа өзді­гі­­нен барған ба?» деген күлкі­лі сұрақ туындайды…

Шымкент қалалық ІІБ жеке қауіпсіздік бөлімінің қызметкері Ф.Шәріп­байұлына қатысты сот про­­цесі кезінде ломбардқа өткі­­зіл­ген гаджеттердің жайы ақы­­ры ашыл­ған. Айыпталушы пара­­мен ұсталған кезде ондаған план­­шет­тің жоғалып кетуіне қа­тысты тергеу жүргізіліп жат­қа­нын айтқан.

Естеріңіз­ге салар болсақ, Ф.Шәрі­п­­бай­ұлы үл­кен көлемде пара алға­ны үшін ұсталған бола­тын.

Жалпы, Шымкент қалалық ПБ қызметтік пайдалану үшін 259 млн 370 мың теңгеге барлығы 1402 планшет сатып алған. Ал ломбардқа өткізуді ұйғарған па­т­руль­дік полиция полкіне қыз­мет­тік қолданысқа 680 планшет берілген.

Бүгінде шымкенттік полиция қыз­мет­керлерінің жұмысына сын айтушы­лар­­дың қатары көбейіп келеді. Бұған бірін­ші кезекте сала мамандарының жұ­мыс­қа немқұ­рай­дылығы әсер етсе керек. Осы­дан біраз бұрын «Самал» шағын ауда­ны­ тұрғынының үйін­де ұрлық фактісі орын алған. По­лицияға хабарласқан жәбір­ле­нушіге: «Арыз жазғанмен, бәрі­бір, жоғал­ған заттарыңыз табылмайды», деп қысқа қайы­рыпты.

Осылайша, полиция қыз­мет­кер­­­лері қоғам тәртібін сақтау, тұр­­­ғын­дардың қа­уіп­­сіздігін қам­та­­масыз ету басты мінде­ті екен­дігін естен шығарып алып жат­­қан­дай...

ШЫМКЕНТ