Аймақтар • 10 Наурыз, 2020

Қызылорда: Төретамда киік атқандар ұсталды

193 рет
көрсетілді
1 мин
оқу үшін

Қызылордалық полицейлер Төретам кентінде киік атқан браконьерлерді ұстады. Бұл туралы облыстық полиция департаментінің баспасөз қызметі хабарлайды.

Қызылорда: Төретамда киік атқандар ұсталды

ІІМ Байқоңыр қаласындағы өкілдігінің қызметкерлері 6 наурыз күнгі кезекті рейдте “Ланд Крузер 80” маркалы көлікті тоқтатады. Күдік тудырған көлікте жүргізушімен бірге 3 жолаушы болған. Олар Байқоңыр қаласы мен Төретам кентінің тұрғындары екен. Көлікті тінту кезінде жүк салғышынан 4 киік, 2 дана асхана пышағы, 12-калибрлі мылтықтың 9 дана оғы тәркіленді.

Қазір ұсталғандардың бірі уақытша ұстау изоляторына қамауға алынып, қалғандарына бұлтартпау шарасын қолдану мәселесі қаралып жатыр. Осы дерек бойынша Қылмыстық кодексінің 339-бабы 2-бөлігінің 2-тармағы бойынша сотқа дейінгі тергеп-тексеру жұмыстары жүргізілуде.