Әлеуметтік осал топ балаларын спортқа баулу мақсатында өткен шарада «Қайсар» футбол клубының ойыншылары Елдос Ахметов, Думан Нәрзілдаев сайысқа қатысушыларға сәттілік тілеп, қолтаңбалары қойылған доптарды сыйға тартты.
Жасөспірімдерді спортқа баулу арқылы салауатты өмір салтын насихаттауды көздеген шарада балалар ауылының тәрбиеленушілері топқа бөлініп, спорттың әр түрінен жарысты.
Белсенділік танытып, оқ бойы озып шыққандарға диплом табысталып, этномәдени бірлестіктер мен волонтерлер сыйлықтар үлестірді.
