«Halyk Bank клиенттермен әрдайым өзара ашық қарым-қатынаста болуға ұмтылады. Оның үстіне бүгінгі бүкіл әлемді дүрліктірген өмір сүру жағдайында бұл аса маңызды. Осыған байланысты, COVID-19 коронавирустық инфекциясының анықталған жағдайларының бірі Алматы қаласындағы банк ғимаратының бірінде кеңес беру қызметін ұсынатын сыртқы ұйымның қызметкерінде орын алғандығы туралы халыққа хабарлау қажет деп санаймыз» делінген Halyk bank таратқан ақпаратта.
Сондай-ақ Денсаулық сақтау министрлігінің әрекет ету алгоритміне сәйкес, қаланың медициналық қызметкерлерімен бірге науқас, сондай-ақ онымен байланысқан барлық қызметкерлер сынақ процедурасынан өтіп, қазіргі уақытта оқшауланған және карантинде жатыр.
Банк таратқан хабарламада вирус жұқтырған қызметкердің клиенттермен тікелей байланыста болмағаны айтылды.
«Сонымен қатар, анықталған ауруы бар сыртқы компания қызметкері мен онымен жақын жерде болған басқа банк қызметкерлері де клиенттермен тікелей қарым-қатынаста болмағанын хабарлаймыз» деді банк өкілдері.
Банк кеңселері мен бөлімшелерінде үнемі санитарлық тазарту жүргізілетінін жеткізді.
