Қоғам • 16 Наурыз, 2020

Қоғамдық көлік ішін зарарсыздандыру жұмыстары басталды

23 реткөрсетілді

Елордада 2020 жылғы 13 наурыздан бастап №1 автобус паркінде жылжымалы құрамды зарарсыздандыру жұмыстары басталды. Автопарк 70 бағдар бойынша қызмет көрсетеді, оның ішінде 40 қалалық, 6 экспресс және 24 қала маңына қатынайтын бағдарлар бар. Жалпы автобустар саны 661 бірлікті құрайды.

Жүргізушілер соңғы аялдамаларда күніне екі рет автобус­тардың ішін,  яғни адам қолы тие­тін жерлерді: шынтақшаларды, есік тұтқаларын,  орындықтар мен валидаторларды  дезинфекциялайды.

Таблеткалар «С-01» деп ата­ла­ды. Өнім Қазақстанда жасал­ған. Бұл дезинфекциялық ерітінді аллергияны тудырмайды және ешқандай иіс шығармайды.

Ауысым аяқталғаннан кейін бағдарлар жуу орнына кіреді, онда барлығын көлік жуушылар тазартады.

Бүгінде елорда қоғамдық көлі­гіне 6 автобус паркі қызмет көр­сетеді. Бағдарлық желі 93 мар­шруттан тұрады, оның ішінде 63 қалалық, 6 экпресс және 24 қала маңына қатынайтын бағдарлар бар. Күн сайын 800-ге жуық автобус жолға шыға­ды. Қазіргі уақытта барлық бағдарлар бекітілген кестеге сәйкес қатынайды.

Автобустардың соңғы аялдамаларында дезинфекциялық ерітінділермен зарарсыздандыру үшін CTS компаниясы елорданың барлық автобус парктеріне хаттар жолдады.

 

 

Соңғы жаңалықтар

Алматыда зертханалар саны артады

Оңтүстік Қазақстан • Кеше

Ұқсас жаңалықтар