Астана қаласының жолаушылар көлігі және автомобиль жолдары басқармасы ағымдағы жылдың маусым айында Достық көшесінен Қонаев көшесіне дейінгі учаскедегі Орынбор көшесіндегі жолдың жоғарғы қабатына ұсақ тасты-шайырлы асфальт-бетон төсеу арқылы орташа ағымдағы жөндеу жұмыстарын жүргізді.
Астана қаласының жолаушылар көлігі және автомобиль жолдары басқармасы ағымдағы жылдың маусым айында Достық көшесінен Қонаев көшесіне дейінгі учаскедегі Орынбор көшесіндегі жолдың жоғарғы қабатына ұсақ тасты-шайырлы асфальт-бетон төсеу арқылы орташа ағымдағы жөндеу жұмыстарын жүргізді.Бірақ, 1 ай пайдаланудан кейін аялдама аумақтары және төселген жолдарда іздер, яғни жік түрінде ақаулар пайда бола бастады.
Ақаулардың пайда болу себептерін анықтауға «ҚазЖолҒЗИ» ғылыми-зерттеу институты тартылған болатын. Қажетті лабораториялық сынақтар жүргізілген соң ақаулардың пайда болуына негізгі бөлігі, яғни төменгі қабатының шала тығыздалуы және негізгі бөлігімен нашар байланысқаны себеп болғаны анықталды. Осыдан соң институт асфальт-бетонды қабатты түгелімен алып тастауды, ақаулы жіктерді шайырмен бітеуді, төменгі қабатын Butanal NS полимерін қолдану арқылы ірі түйірлі асфальт-бетонмен, жоғарғы қабатын сондай NS полимерін қолдану арқылы ұсақ тасты-шайырлы 20-шы асфальт-бетон төсеуді ұсынды.
Өткізілген сараптама негізінде басқарма «Rostra Group» ЖШС мердігер мекемесіне кепілдік міндеттеме шеңберінде өз есебінен ағымдағы жылдың тамыз айының 22-сінен 26-сына дейін ақауларды жоюды тапсырды. Осы мерзім аралығында аталған учаскеде автокөлік қозғалысы шектелетін болады, деп хабарлады Астана қаласы әкімі аппаратының баспасөз қызметі.
