«Қазіргі таңдағы басты міндетіміз - ірі желілерді маскалармен, антисептиктермен қамтамасыз ету. Бүгін, 16 наурызда, кезекті партия әкелінді. 350 мыңнан астам маскалар, сондай-ақ антисептиктер алынды. Бұл жұмысты «Фармация» СҚ бірлесіп ұзақ мерзімді жүйелі негізде жүргізетін боламыз. Өкінішке орай жоғары сұранысты көре нарықтың жосықсыз қатысушылары қорғаныс құралдарына бағаны көтере бастады. Қазір ұйымшыл әрі үйлесімді жұмысты көрсету қажет. Тек бірлесе біз осы мәселені шешеміз», - деді қала әкімі Алтай Көлгінов.
Айта кетейік, дәріханалар әр адамға тек 5 маскадан сатады. Маскалар Биосфера, Саламат Z, Иммуно плюс, Старый лекарь, UDM-КЗ, Феникс, Базикова, Частная Аптека 99, Фармаком, Гиппократ МФК Астана, Жардем компания, Астана Оник, Алсун Астана, Aidamed, Максима фарм, Исакова А. А, Өркен фарм, Стофарм, Еврофарма дәріханалар желісінде бар.
