Футбол • 17 Наурыз, 2020

УЕФА Еуро-2020 ойындарын 2021 жылдың жазына қалдырды

58 реткөрсетілді

УЕФА коронавирустың таралуына байланысты Еуро-2020 матчтарын 2021 жылдың жазына дейін кейінге қалдыру туралы шешім қабылдады.

УЕФА-ға мүше  55 ел Еуро-2020-ны 1 жылға кейінге қалдыру туралы ұсынысты қабылдады. Бұл ұсынысты мүше елдердің, Еуропалық клубтар қауымдастығының және футболшылардың өкілдері қатысқан FIFPro конференциясы қабылдады.

Турнир 2021 жылдың 11 маусымы мен 11 шілдесі аралығында өтеді деп жоспарланған. Жақын арада ресми хабарландыру келеді деп күтілуде.

Норвегия футбол федерациясы да өзінің Twitter-дегі ресми аккаунты арқылы турнир бір жылға кейінге қалдырылғанын хабарлады.

 

Соңғы жаңалықтар

Ұқсас жаңалықтар