Аймақтар • 18 Наурыз, 2020

Қызылорда: Облыс әкімі қызмет көрсету кешендерін аралады

239 рет
көрсетілді
1 мин
оқу үшін

Қызылорда облысының әкімі Қуанышбек Ысқақов бүгін «Батыс Еуропа - Батыс Қытай» күре жолы бойында орналасқан қызмет көрсету кешендеріндегі төтенше жағдай кезіндегі қауіпсіздік шараларымен танысты. Бұл туралы облыс әкімінің баспасөз қызметі хабарлайды.

Қызылорда: Облыс әкімі қызмет көрсету кешендерін аралады

Алғашқы нысан Сырдария ауданындағы «Нұрлы-Жол» кешені болды. Жалпы аумағы 2 гектар аумақта көлік жөндеу және жуу орындары, қонақ үй, кафе, 40 орындық мейманхана және көлік тұрағы бар. Кешенде санитарлық-дезинфекциялық және залалсыздандыру жұмыстары жүргізіліп тұрады. Бір мезетте тек 50 адамға ғана қызмет көрсетуі тиіс. Бұдан әрі аймақ басшысы осы аудандағы «Керуен» кешеніне аялдады. Мұнда да вирустың таралуын болдырмау мақсатында уақытша шектеулер енгізілген.

Сондай-ақ, «Қызыл-Орда» қызмет көрсету кешенінде де тазалық, залалсыздандыру жұмыстары күшейтілген. Жауапты мекеме тарапынан күн сайын тексеру жүргізіледі. Аймақ басшысы аудан әкімі Руслан Рүстемов пен нысан иелеріне төтенше жағдай талаптарын сақтауды тапсырды.