«Көлік кептелісі мен кезекте тұрмас үшін қала тұрғындары мен қонақтарына алдын ала тиісті шаралар қабылдауға кеңес береміз. Блок-бекеттегі полиция қызметкерлеріне көрсету үшін өздеріңізбен бірге міндетті түрде жеке куәлік және басқа да құжаттарыңызды алып жүруді ұсынамыз», деді Айдос Рысбаев.
Оның айтуынша, Нұр-Сұлтан қаласы маңындағы Жібек жолы, Қосшы, Қараөткел, Талапкер, Қоянды кенттерін қоса алғанда барлық бағытта 7 бекет қойылған. Жүк автокөліктері үшін транзитттік жүру елорда маңындағы айналма автожол бойынша қарастырылған.