Мұндай шешімді Алматыдағы коронавирус таралуының алдын алу жөніндегі аймақтық жедел штаб қабылдаған. Бүгінде доллор бағамының күрт өсуіне байланысты шетел валютасын сатып алушылардың саны артып отыр.
Әкімдіктің хабарламасында: «Қаладағы ақша айырбастау орындарының жұмыс уақытына шектеу енгізілді. 2020 жылдың 21 наурызынан 25 наурызына дейін барлық ақша айырбастау орындары, оның ішінде екінші деңгейлі банктер де сағат 10.00-ден 16.00-ге дейінгі жұмыс кестесіне көшеді», деп жазылған.
Есте болса, бұған дейін Нұр-Сұлтан қаласындағы ақша айырбастау орындары да жұмыс уақытын өзгертіп, 21-25 наурыз аралығында сағат 10:00-ден 16:00-ге дейінгі жұмыс кестесіне көшкен болатын.
