Аймақтар • 21 Наурыз, 2020

Теміртауда екі адамның коронавирус жұқтырғаны туралы ақпарат жалған

211 рет
көрсетілді
1 мин
оқу үшін

Қарағандыда коронавирустық инфекция жағдайы туралы онлайн брифинг өтті. Облыстық денсаулық сақтау басқармасының басшысы Ержан Нұрлыбаев инфекция жұқтырғандардың жағдайы туралы баяндады, деп хабарлайды ҚазАқпарат.

Теміртауда екі адамның коронавирус жұқтырғаны туралы ақпарат жалған

Қарағанды облысында коронавирустық инфекцияның 2 жағдайы тіркелді. Науқастар оқшауланған және инфекциялық бөлімге жатқызылды. Екі науқастың жағдайы қанағаттанарлық деп бағаланады. Олар қажетті ем алып жатыр.

Сонымен бірге, басқарма басшысы әлеуметтік желілерде тараған жалған хабарламалар туралы әңгімеледі.

«Әлеуметтік желілер мен мессенджерлердегі Теміртауда коронавирустық инфекцияның 2 жағдайы тіркелді деген ақпараттың жалған екенін айтқым келеді. Біз күн сайын біз сіздермен кездесіп, эпидемиялық жағдайдағы өзгерістер туралы сенімді ақпарат таратып жүрміз. Дүрбелеңге бой алдырмаңыз, жалған таратпаңыз. Себебі ҚР қолданыстағы заңнамасына сәйкес, бұл үшін қылмыстық жауапкершілік көзделген», - деді ол.

Қазіргі уақытта Қарағанды облысында 124 адамға тәулік бойы бақылау жүргізілуде.

Үй карантинінде 31 адам, 249 адам – оқшаулаусыз медициналық бақылауда, 277 адам – телефон арқылы қашықттан бақылауға алынды. Үй карантинінде отырғандар Damumed мобильді қосымшасы арқылы өз жағдайын бақылай алады. Пайдаланушы денсаулығы туралы күнделікті ақпаратты толтырады және бұл дерек емдеуші дәрігерге қолжетімді болады.