Оның барысында 6 дәмхана иесі төтенше жағдай режиміне қарамастан түнгі уақытта жұмыстарын жалғастырғаны анықталды. Бес дерек облыс орталығында анықталса, біреуі Жаңақорған ауданында орын алған. Осыған байланысты кәсіпкерлерге ҚР ӘҚБтК-нің 476-бабы бойынша әкімшілік хаттамалар толтырылып, жинақталған құжаттар сотқа жолданды.
Төтенше жағдай талаптарына сәйкес ірі сауда нысандары 10.00-ден 18.00, киім-кешек базарлары 11.00-ден 17.00-ге дейін ғана ашық болады. Дәмхана мен мейрамханаларға келушілердің саны 50 адамнан аспауы керек және жұмысы 22.00-де тоқтауы тиіс.
Аталған шектеулерді орындамағаны үшін кафелер мен мейрамхана әкімшілігіне ҚР ӘҚБтК-нің 476-бабы бойынша 10 АЕК айыппұл салынады немесе 15 тәулікке қамау жазасы қолданылады.
Төтенше жағдай режимі кезіндегі талаптарының сақталуын қадағалау мақсатындағы жұмыстар жалғаса береді.
