Қайырымдылық – қайтымы бар сауапты іс. Бұл орайда, коронавирус індетінің алдын-алу мақсатында Тараз қалалық әкімдігінің бастамасымен бірнеше рет қолдануға арналған 4000-ға жуық медициналық маскалар дайындалуда. Әкімдіктің мәліметінше, оған қажетті материалдарды демеушілер алып беріпті. Бүгінде медициналық маскаларды Тараз қаласындағы тігін шеберханаларының иелері мен тігінші қыз-келіншектер ақысыз түрде тігуде. Ерікті азаматтардың көмегімен тігіліп жатқан медициналық маскалар көпбалалы және жағдайы төмен отбасылардың мүшелеріне тегін таратылатын болады.
Жамбыл облысы
