Учаскелік полиция инспекторы жолдастарымен бірге Ершовка ауылындағы үйлердің бірінен 28 жыл бойы сақталған спирт толы бөшкені тауып алыпты. Сөйтіп, әлгі жерді ұялы телефонына түсіріп, жазбаны WhatsApp арқылы танысына жіберсе керек. Видеодан байқалғандай, тәртіп сақшысы спиртті еденге төгіп, оған от қояды да, «осынша спиртпен коронавирус қорқынышты емес» деген пікірін білдіреді.
Енді, міне, тәртіп сақшысы бүкіл елді дүрліктірген індет туралы орынсыз қалжыңдаймын деп қызметімен қош айтысты.
Бұл факті бойынша қызметтік тергеу жүргізген мамандар "әзілқой" учаскелік инспектордың этикалық нормаларды бұзғанын анықтады.
Ал бейнежазба әлеуметтік желілерге таралып кеткен.