Бұл амал коронавирустың таралуына байланысты төтенше жағдай тәртібінің енгізілуіне, сондай-ақ жұқпалы індеттің таралмауына жол бермеу үшін Халыққа қызмет көрсету орталықтарында қауіпсіздік шараларын енгізуге байланысты қабылданды.
Қазіргі жағдайда Цифрлық даму министрлігі азаматтарға мемлекеттік қызметтерді онлайн алуға кеңес береді. Бүгінде мемлекеттік қызметтердің 80%-ы электронды үкімет порталы арқылы қолжетімді, сол секілді қажетті анықтамаларды eGov Mobile қосымшасы және телеграмдағы бот арқылы алуға болады.
Мемлекеттік қызметтерді алу барысында қандай да бір қиындықтар мен сұрақтар туындаған жағдайда азаматтар 1414 бірыңғай байланыс орталығына ұялы және стационарлы телефоннан хабарласа алады. Қоңырау соғу тегін.
Бірыңғай байланыс орталығының күшейтілген тәртіпте жұмыс жасауына «Азаматтарға арналған үкімет» МК» КЕАҚ фронт-кеңселерінің 600 қызметкері жұмысқа тартылды. Жақын арада олардың санын арттыру жоспарлануда.
