Кәсіпқой бокс • 28 Наурыз, 2020

Жекпе-жек: Қайрат Ахметовтің қарсыласы анықталды

29 реткөрсетілді

Ережесіз жекпе-жектен 1 мамырда Сингапурде өтуге тиіс One FC турнирінде қазақ спортшысы Қайрат Ахметовтің кіммен күш сынасатыны белгілі болды.  

Кезінде грек-рим күресінде біршама табыстарға қол жеткізіп, кейіннен ережесіз жекпе-жекті серік еткен Қайраттың жүріп өткен жолы жанкүйерлердің көз алдында. Спорттың бұл түріндегі мансабын «Алаш Прайд» клубында бастаған ол біраз белестерді бағындырды. Елімізде және шетелде өткен көптеген жарыста жасындай жарқырады. Әр жеңісінен кейін «Қара жорға» билеп, көрермендердің көзайымына айналды. Осыдан бірер жыл бұрын қандасымыздың One FC ұйымының чемпиондық белбеуін олжалағаны да есімізде. Жалпы Ахметов кәсіпқойлар арасында 21 кездесу өткізіп, 19 қарсыласын қапы қалдырды.

Қайрат Ахметов Сингапурдегі турнирде жапониялық Даичи Тенакамен үш сынасады. Күншығыс елінің өкілі осы күнге дейін 15 кездесу өткізіп, 12 рет жеңіске жетті. Екі рет ұтылып, тағы бір бәсекеде тең есеп тіркелді.

Соңғы жаңалықтар

Тіл және заман сабақтастығы

Аймақтар • Бүгін, 17:02

Жігіттің жақсысы

Руханият • Бүгін, 16:21

Ұқсас жаңалықтар