Павлодар облысында өткен мұғалімдердің дәстүрлі тамыз кеңесінің соңы аймақтың үздік ұстаздарын марапаттауға ұласты. Олар Білім және ғылым министрлігі мен облыс әкімінің құрмет грамоталарын, төсбелгілері мен алғыс хаттарын алды.
Облыс басшысы Ерлан Арын ең соңынан бір топ таңдаулы мұғалімдерге облыстың арнаулы тартуы – автокөліктерді сыйға тартты. Бұл марапатқа Қазақ КСР-інің еңбек сіңірген мұғалімі Тәжібай Шаймерденов, Үштерек шағын орта білім беру мектебінің директоры Ғалия Әмірханова, «Павлодар қаласы №122 мектепке дейінгі гимназияның» тәрбиешісі Күлзада Ахметова және № 23 Успенск колледжінің өндірістік білім беру шебері Иван Лозовик ие болды.
Мұрат АЙТҚОЖА.
