Қазақстан • 30 Наурыз, 2020

Коронавирус: Медицина қызметкерлеріне ай сайын миллион теңгеден беріледі

137 реткөрсетілді

Бұл туралы Ақпарат және қоғамдық даму министрі Дәурен Абаев хабарлады.

«Мемлекет басшысы Қасым-Жомарт Тоқаев коронавируспен күресіп жатқан медицина қызметкерлеріне көмек көрсету туралы тапсырма берген. Осыған орай бүгін Үкімет басшысы Асқар Мамин мемлекеттік комиссияның отырысын өткізіп, онда арнайы шешім қабылдады», - деді министр.

Медицина қызметкерлері жұмысының қауіптілігіне қарай 3 топқа бөлінген.

«Бірінші топ – бұл реанимация бөлімдерімен қоса алғанда жұқпалы аурулар стационарлардың дәрігерлері, орта және кіші медициа қызметкерлері, барлығы – 3284 маман. Олардың жалақысына үстеме ақы айына 850 мың теңгені құрайды. Яғни, орташа айлығын қосқанда олар айына шамамен 1 млн теңгенің үстінде алады. Екінші топ – провизорлық стационар мен жедел-жәрдем дәрігерлері, орта және және кіші медицина қызметкерлері, барлығы – 11951 маман. Олардың үстеме ақысы айына 425 мың теңгені құрайды. Яғни, орташа айлығын қосқанда олар айына шамамен 600 мың теңге алады. Үшінші топ – карантиндік стационар дәрігерлері, орта және кіші медицина қызметкерлері, санитарлық дәрігерлер, жедел-жәрдем жүргізіушілері және т.б. Барлығы – 11994 қызметкер. Олар айына 212 мың теңге үстеме ақы алады. Яғни, орташа айлығын қосқанда олар шамамен 380 мың теңге алады», деді Дәурен Абаев.

Соңғы жаңалықтар

Жұмыс сапасын бақылау күшейеді

Аймақтар • Бүгін, 17:30

Ветеринария адамзатты емдейді...

Аймақтар • Бүгін, 15:55

Сақтық шараларын сақтау маңызды

Коронавирус • Бүгін, 13:08

Туризм дамысын десек...

Қазақстан • Бүгін, 12:55

Туризмнің тұралаған тұстары көп

Қазақстан • Бүгін, 12:46

Ұқсас жаңалықтар