«Аталған дезинфекция құралы жаппай зарарсыздандыру үшін пайдалануға рұқсат берілген. Құрамында токсин аз. Ауру ошақтарын дезинфекциялауға 1% ерітіндіні қолданамыз. Қолдану кезінде барлық сақтық шаралары жасалады», - дейді Молдақасымова.
Бұған дейін қалалық Жасыл экономика басқармасы басшысының орынбасары Диас Ахметқалиев 29 миллион шаршы метр жол, тротуар мен жаяу жүргіншілер жолы дезинфекциялық қоспамен жуылатынын мәлімдеген еді. Сондай-ақ басқарма өкілі тұрғындардан пайдаланылған медициналық қалдықтарды әрі қарай заласыздандыру мақсатында бөлек қапшықтарға жинап, шығаруларын сұраған болатын. Мамандардың сөзінше, дезинфекцияға арналған қоспалардың адам мен жануарлардың денсаулығына мүлде зияны жоқ.
