ونەر-جان بالاسىنا ورتاق قۇندىلىق. ونى اركىم مەڭگەرىپ، قالاۋىنشا پايدالانۋعا قۇقىلى. ول ارقىلى بەرىلەتىن رۋحاني ءنار، جان-جۇيكەنىڭ راحاتى، كوڭىلدى دەمالىستىڭ ماڭىزى
ونەر-جان بالاسىنا ورتاق قۇندىلىق. ونى اركىم مەڭگەرىپ، قالاۋىنشا پايدالانۋعا قۇقىلى. ول ارقىلى بەرىلەتىن رۋحاني ءنار، جان-جۇيكەنىڭ راحاتى، كوڭىلدى دەمالىستىڭ ماڭىزى
ايرىقشا جانە ونەر ادام بالاسىنىڭ ۇلتىنا، قىزمەتىنە، بايلىق-بەدەلىنە قاراپ قونبايتىن بارىنشا ءادىل، تازا قۇبىلىس. اسىرەسە، «ءاربىر بۇتاسى ءان سالىپ تۇراتىن» قازاق دالاسى، «ءاۋ» دەمەيتىنى جوق قازاق بالاسى تۋرالى ونەرمەن ەتەنە جاراتىلعان دەۋدىڭ ارتىقتىعى جوق. ونەرپاز دەگەنىمىز ساحنانىڭ سانىنە اينالعان جۇلدىزدار عانا ەمەس، مىڭ بۇرالا بيلەپ، التى قىردان اسقان اسەم داۋىسىمەن شىرقاي ءان سالىپ، سان ءتۇرلى اسپاپتار قۇلاعىندا ويناعان داۋلەسكەر ونەر ادامدارىن قاراپايىم حالىق اراسىنان كوپتەپ كەزدەستىرۋگە بولادى. بۇل ءسوزدى «قازمۇنايگاز» ءبو» اق-تىڭ ۇيىمداستىرۋىمەن مۇنايشىلار اراسىندا وتكەن «دالا دارىندارى» ونەر بايقاۋى دالەلدەي ءتۇستى.
گازەتىمىزدىڭ الدىڭعى سانىندا ايتىپ وتكەنىمىزدەي، كيەلى ماڭعىستاۋ وڭىرىندە الاۋىن تۇتاتقان مۇنايشىلار سپارتاكياداسى تابىستى قورىتىندىلانىپ، ودان ءارى مۇنايشىلاردىڭ ءوزارا ونەر سايىستىرۋىنا ۇلاستى.
جۇرتشىلىق جارتى عاسىرلىق مەرەيتويىن تويلاۋ ءۇشىن قىزۋ دايىندىق قۇشاعىنداعى تويلى اقتاۋ تورىنە استانا، اتىراۋ، قىزىلوردا، ورال، جاڭاوزەن قالالارىنان جانە ماڭعىستاۋدىڭ وزگە دە كەن ورىندارىنان اعىلعان مۇنايشىلاردىڭ ناعىز ونەرپازدار ەكەنىنە ءتانتى بولدى. ادەتتە ارنايى جۇمىس كيىمىن كيىپ الىپ، ءداۋ سومكەلەرىمەن ۆاحتالىق اۆتوبۋستاردان ءتۇسىپ، ءۇيدى-ۇيلەرىنە تاراپ بارا جاتاتىن ازاماتتار اراسىندا ءان مەن جىردىڭ ايتقىشتارى از ەمەس ەكەن. سويتسەك، سپارتاكيادا دا كەزدەسكەن سپورت جۇيرىكتەرى سەكىلدى مۇنايشىلار اراسىندا ونەر تۇلپارلارى دا ءجۇر. مۇنايلى وڭىرلەردەن جەتكەن 80-نەن استام ۇمىتكەرلەردىڭ ءبىرى ايماقتىق، ەندى ءبىرى رەسپۋبليكالىق بايقاۋلاردىڭ لاۋرەاتتارى. ورىنداۋشىنىڭ وسال بولماۋى تورەلىك ەتۋشىنىڭ دە تومەن بولماۋىن تالاپ ەتەدى. س. جۇماعالييەۆ، ر. ايداربايەۆا، ا. سۇندەتوۆ، ە. ءابدىحالىقوۆا سەكىلدى رەسپۋبليكاعا تانىمال ونەر ادامدارى، وزگە دە ءوز سالاسىنىڭ بىلگىرلەرى قازىلىق ەتكەن سايىس قىزۋ ءوتتى. ۇمىتكەرلەر جىر-تەرمە، اسپاپتا ورىنداۋ، وركەستر سۇيەمەلدەۋىمەن ءان سالۋ، ەسترادالىق ءان، ۆوكالدى اسپاپتى انسامبل جانە ەرەكشە جانر بويىنشا سىنعا ءتۇستى. ءتىپتى تالاي ونەر بايقاۋلارىنا پىكىر ايتىپ، «جۇزدەن جۇيرىكتى، مىڭنان تۇلپاردى» انىقتاۋدا تاجىريبە جيناقتاعان قازىلار القاسىنىڭ مۇشەلەرى مۇنايشى ونەرپازدار اراسىنان وزا شاپقان جۇلدەگەرلەردى انىقتاۋ قيىنعا تۇسكەندىگىن جاسىرعان جوق.
-ونەردى قيىن جۇمىستىڭ تاساسىندا قالدىرماي، ەڭبەكپەن بىرگە الىپ جۇرگەن تالانتتى قىز-جىگىتتەردىڭ بار ەكەندىگىنە قاتتى قۋاندىق. مۇنايشىلار اراسىندا ءاندى دە، ءبيدى دە ءوز ناقىشىندا ورىنداپ، اسپاپتاردا شەبەر ويناي بىلەتىن، سونداي-اق حالقىمىزدىڭ اسىل قازىناسى-قارا دومبىرانى قۇيقىلجىتا ويناپ، جىر-تەرمەنى تۇيدەكتەتە توگىلتەتىن جىرشى-تەرمەشىلەردىڭ بار ەكەندىگىنە كوز جەتتى. جەرى قازىناعا باي حالقىمىزدىڭ جۇرەگى، جان-دۇنيەسى رۋحاني بايلىققا، ونەرگە تولى ەكەندىگىنە ءتانتى بولدىق، -دەيدى قازىلار القاسىنىڭ ءتوراعاسى، ق ر ەڭبەك سىڭىرگەن ءارتىسى سەمبەك جۇماعالييەۆ.
«قازمۇنايگاز» ءبو» اق» كومپانياسىنىڭ سپورت جانە ونەر سايىستارىن وتكىزۋدەگى ماقساتى-دارىندى مۇنايشىلارعا قولداۋ كورسەتۋ، ءوز بويىنداعى ونەرى مەن قايسارلىعىن جارقىراتا تۇسۋگە جاردەم بەرۋ. ۇنەمى ءۇنسىز دالامەن سىرلاسىپ، قىر توسىندە جۇرەتىن ەڭبەككەرلەر سايىسىنىڭ «دالا دارىندارى» اتالۋى دا تەگىن ەمەس. دالانىڭ قۇدىرەتى شەكسىز، ونىمەن تىلدەسە بىلگەن جاننىڭ دارىن بولماسقا امالى دا جوق.
-بالا كەزىمنەن ءان شىرقاعاندى ۇناتامىن. ءبىراق، ماعان ءانشى ەمەس، مۇنايشى بولۋ بۇيىرىپتى. ونەرىمدى ورتاعا سالىپ، سايىسقا تۇسۋگە مۇمكىندىك بەرگەن ۇيىمداستىرۋشىلارعا العىس ايتامىن جانە ءوز جەڭىسىمدى ماڭعىستاۋ وبلىسىنىڭ-40، كورىكتى اقتاۋىمىزدىڭ 50 جىلدىق مەرەيتويلارىنا ارنايمىن، -دەيدى بايقاۋدىڭ «ەسترادالىق ءان» نوميناتسياسى بويىنشا 2-ورىن جۇلدەگەرى، «تەحنولوگيالىق كولىك جانە ۇڭعىمالارعا قىزمەت كورسەتۋ» باسقارماسىنىڭ جاس جۇمىسشىسى ش. شانقۇلوۆ.
بايقاۋ سوڭى استانا الاڭىندا جەڭىمپاز مۇنايشىلاردىڭ گالا كونتسەرتىنە ۇلاستى. سونىمەن قاتار، «قازمۇنايگاز» بارلاۋ ءوندىرۋ» كومپانياسى جاڭاوزەن قالاسىندا ەڭبەك ۇجىمدارىنىڭ اراسىنداعى ءىى سپارتاكيادا وتكىزگەن بولاتىن. ماڭعىستاۋ وڭىرىندە اپتاعا جۋىق ۋاقىت سپورتتىق شەبەرلىگىن، ونەردەگى ورەسىن سالىستىرعان مۇنايشىلار ءوز اۋىلدارىنا اسەرمەن تاراستى. كەزەكتى سپارتاكيادانى وتكىزىپ، قوناقتاردى قارسى الۋ ەندى ەمبىلىكتەردىڭ ەنشىسىندە. ال الاڭ يەسى-«وزەنمۇنايگاز» اق توبى بيىل ەكىنشى رەت سپارتاكيادا جەڭىمپا
