Әрине, жыл өткен сайын елімізде халыққа қызмет көрсету сапасы жақсарып келеді. Әйтсе де бұл саланың мәселесі толық шешілді деп айтуға болмайды. Адамдарды кеңседен кеңсеге жүгіртіп, қаптаған қағазбастылықтан, сапырылысқан кезектен арылмау, ең бастысы басшылардың алдына келген жандарға лайықты қызмет көрсетпеуі, мәдениеттілік танытпауы әлі де болса көп екенін жасыруға болмас. Міне, осындай олқылықтарды болдырмау мақсатында ҚР Мемлекеттік қызмет істері агенттігінің Оңтүстік Қазақстан облысы бойынша департаментінің жанынан жеке тұлғалармен, коммерциялық емес ұйымдармен мемлекеттік қызмет көрсету мәселелері бойынша өзара іс-қимыл және ынтымақтастық жөніндегі қоғамдық кеңес құрылды.
Әрине, жыл өткен сайын елімізде халыққа қызмет көрсету сапасы жақсарып келеді. Әйтсе де бұл саланың мәселесі толық шешілді деп айтуға болмайды. Адамдарды кеңседен кеңсеге жүгіртіп, қаптаған қағазбастылықтан, сапырылысқан кезектен арылмау, ең бастысы басшылардың алдына келген жандарға лайықты қызмет көрсетпеуі, мәдениеттілік танытпауы әлі де болса көп екенін жасыруға болмас. Міне, осындай олқылықтарды болдырмау мақсатында ҚР Мемлекеттік қызмет істері агенттігінің Оңтүстік Қазақстан облысы бойынша департаментінің жанынан жеке тұлғалармен, коммерциялық емес ұйымдармен мемлекеттік қызмет көрсету мәселелері бойынша өзара іс-қимыл және ынтымақтастық жөніндегі қоғамдық кеңес құрылды.
Өткен аптада қоғамдық кеңес алғашқы жиынын өткізіп, алдағы атқарылатын тірліктерін пысықтап алды. «Халыққа көрсетілетін қызметтердің сапасын жақсарту бұл Елбасының нақты тапсырмасы. Біздің елімізде мемлекеттік қызмет көрсетудің көптеген түрлері бар. Алайда әлі де кемшін тұстары көп. Тіпті азаматтарды қабылдамай қоятын басшылар да баршылық. Сондықтан біз ашық алаңда жұмыс істеуіміз қажет. Билік пен қарапайым тұрғынның арасында ашық та әділ байланыс болуы керек» дейді ҚР Мемлекеттік қызмет істері агенттігінің Оңтүстік Қазақстан облысы бойынша департаментінің басшысы Берік Бекжанов.
Қоғамдық кеңес консультативтік-кеңесші орган ретінде ҚР Конституциясының, «Мемлекеттік көрсетілетін қызметтер туралы» заңын және басқа да нормативтік құқықтық актілерді басшылыққа алады.
Оралхан ДӘУІТ,
«Егемен Қазақстан».
Оңтүстік Қазақстан облысы.