- Соңғы дерек те Жаңақорған ауданынан тіркеліп отыр,– деді облыстың бас дәрігері. – Ол алдында дерт жұқтырғандармен байланыста болған адам ретінде тексеруге алынған. Қазіргі жағдайы тұрақты. Жалпы облыс бойынша вирус жұқтырғандармен қарым-қатынаста болған 485 адам нақтыланған. Олардың 133-і карантиндік станционарда, 353-сі үй жағдайында бақылауға алынған.
Қазір инфекцияның өршуіне байланысты облыстық төтенше жағдай комиссиясының жанынан жедел штаб құрылып отыр. Тәулік бойын жұмыс істейтін штабқа 40-01-00 телефоны арқылы хабарласуға болады.
