Руханият • 02 Сәуір, 2020

Жас суретшілердің республикалық байқауы басталды

193 рет
көрсетілді
1 мин
оқу үшін

Мемлекет басшысы Қасым-Жомарт Тоқаевтың және Бала құқықтары жөніндегі уәкіл Аружан Саинның бастамасымен  «Жануарлар – менің достарым» республикалық сурет байқауы бастау алды.

Жас суретшілердің республикалық байқауы басталды

Балалар арасында өтетін сайыстың жеңімпазы Австрия астанасы Вена қаласындағы көрмеге қатыспақ. Жоба ұйымдастырушыларының айтуынша СOVID-19 пандемиясын ел болып еңсерсек, жас суретшілерге әлем тәжірибесін меңгеруге мүмкіндік туады.  

– Жобаның негізгі идеясы – балалардың шығармашылық түсінігі арқылы жануарлар әлемін сақтап қалу мәселесін шешуге көмектесу. Байқау идеясын балалардың өздері ұсынды деуге болады. Олар ересектердің үй жануарларына жасаған қатігездігі мен жабайы табиғатты мақсатсыз жоюға қатысты мәселелерді сынап әлеуметтік желілерде өз пікірлерін білдірген. Авторларымыз жұмысын толықтай өзі жасауы тиіс. Бір автордың бірден үшке дейін жұмысы қабылданады. Салған суреттің тақырыбына арналған эссе де жолдауға болады. Жұмыстарды 30 маусымға дейін  қабылдаймыз. Өз жұмыстарын балалар alembala.kz сайтына жібере алады», – дейді Қазақстандағы Бала құқықтары жөніндегі уәкіл Аружан САИН.

Аружан Саинның пікірінше аталған байқау балалардың өз құқықтарын жүзеге асыруға, міндеттері мен мүмкіндіктерін пайдалануға үйретпек. Гуманизм мен мейірімділікті бала кезден қалыптастыру үшін және карантин кезінде жеткіншектердің уақытын тиімді пайдалауға септігін тигізеді.

Соңғы жаңалықтар

Су үнемдейтін қондырғы

Технология • Кеше