Шығыс Қазақстан облысының Өскемен қаласында Конституция күніне байланысты айтулы шаралар аталып өтті. Салтанатты шара кезінде шаһардың сол жағалауынан жазушы Оралхан Бөкейге арналған ескерткіш орнатылды. Бұл туралы Gazeta.kz хабарлады.
Ескерткіштің ашылу салтанатында облыс әкімі Бердібек Сапарбаев, белгілі қаламгерлер, журналистер, қоғам және мәдениет қайраткерлері, соғыс және еңбек ардагерлері сөз сөйлеп, жазушының қаламгерлік қабілеті мен еліне деген сүйіспеншілігін жан-жақты әңгімеледі.
Осы күні он бес мыңнан астам шығысқазақстандықтар қатысқан мерекелік шарада «Шеберлер қаласы» жәрмеңкесі болды. Онда ұлттық құндылықтарымызды дәріптейтін қолөнер бұйымдары жұртшылық назарына ұсынылды. Жергілікті өнерпаздар ән-жырдан шашу шашып, халықтың мерейін бір көтеріп тастады.
Бақытбек Кенешұлы.
