Аймақтар • 03 Сәуір, 2020

Атырау: Алты азамат блок-бекетті айналып өтпек болған

231 реткөрсетілді

Атырау облысында блок-бекеттерді айналып өтуге ұмтылған алты адамның  бірі Өзбекстан Республикасының азаматы екен.

«Атырауда 2 сәуірде түнгі 00.30 шамасында  Өзбекстан Республикасының 1986 жылы туған азаматы Алмалы-Талдыкөл селолары арасындағы қара жолдан Индер ауданы бағытына жаяу өтпекші болған.   Ұсталған азаматқа қатысты ҚР Әкімшілік құқықбұзуышылық туралы Кодексінің 476-бабына сәйкес хаттама толтырылды.  Сот қаулысымен шетел азаматы бес тәулік қамалды» - деп хабарлады облыстық полиция департаментінің баспасөз қызметі. 

Полиция қызметкерлері кеше таңертеңгі сағат 08.20-да Алмалы блок-бекетінен тысқары  қара жолмен келе жатқан  «Toyota Camry» көлігін тоқтатқан. Көлікті басқарған 1987 жылғы жүргізушіге төтенше жағдай режимін бұзғаны үшін хаттама толтырылып, ол Атырау қаласының мамандандырылған әкімшілік сотымен қаулысымен  3 тәулікке қамауға алынды.

Сондай-ақ блок-бекеттерге соқпай, қиялай өтетін қара жолда ұсталған төрт көлік жүргізушісіне Қазақстан Республикасының Әкімшілік құқықбұзушылық туралы Кодекстің 476-бабымен  хаттамалар толтырылып, іс сотқа жолданды.

 

Жұмасат ҒАЗИЗ

Соңғы жаңалықтар

Еріктілер балаларды құттықтады

Аймақтар • Бүгін, 16:47

Азияда COVID-19-дан өлім неге аз?

Коронавирус • Бүгін, 16:07

Ұқсас жаңалықтар