Спорт • 07 Сәуір, 2020

Футбол: Радомир Антич дүниеден озды

133 рет
көрсетілді
1 мин
оқу үшін

Әйгілі сербиялық маман Радомир Антич ұзаққа созылған науқастан кейін 72 жасқа қараған шағында бақилық болды.

Футбол: Радомир Антич дүниеден озды

Футболшы ретінде қорғаныста ойнаған ол Югославияның «Слобода» мен «Партизан», Түркияның «Фенербахче», Испанияның «Реал Сарагоса» және Англияның «Лутон Таун» клубтарының намысын қорғады. 1985 жылы бапкерліктің қамытын киіп, Югославия, Испания, Сербия және Қытайдың бірқатар командаларын жаттықтырды.

Радомир Антич 1988-1995 жылдары үш бірдей «Реалды» («Реал», Сарагоса, «Реал» Мадрид, «Реал» Овьедо) баптады. 1996 жылы Мадридтің «Атлетикосымен» бірге Испания чемпионаты мен кубогын жеңіп алды. Кейіннен «Барселона» мен «Сельтаның» бас бапкері болды. 2008-2010 жылдары Сербия құрамасын жаттықтырды.