31 жастағы АҚШ-тың Аризона штатының тумасы жеңіл салмақтағылар арасында UFC рейтингінде төртінші орында тұр. Спорттық карьерасын 2011 жылдың тамыз айында бастаған ол сол кезден бері 23 кездесу өткізіп, 21 рет жеңіс тойын тойлады. Гэтжи тек өзінің отандастары – Эдди Альварес пен Дастин Порьеден ғана ұтылды. Соңғы үш жекпе-жегін Джастин жеңіспен аяқтады. Бұл ретте Джеймс Вик, Эдсон Барбоза және Дональд Серронеден басым түсті.
Нью-Йорктегі жекпе-жек кешінде Джастин Гэтжи Тони Фергюсонмен айқасады. 36 жастағы Калифорния штатының тумасы күні бүгінгі дейін 28 рет октагонға шығып, 25 рет жеңіске жетті.
