Кеше Қазақстан Республикасы Парламенті Сенатының Төрағасы Қайрат Мәми Францияның Қазақстандағы Төтенше және өкілетті елшісі Жан-Шарль Бертонэмен кездесті, деп хабарлады Қазақстан Республикасы Парламенті Сенатының баспасөз қызметі.
Кеше Қазақстан Республикасы Парламенті Сенатының Төрағасы Қайрат Мәми Францияның Қазақстандағы Төтенше және өкілетті елшісі Жан-Шарль Бертонэмен кездесті, деп хабарлады Қазақстан Республикасы Парламенті Сенатының баспасөз қызметі.
Ж.-Ш.Бертонэ Қазақстандағы дипломатиялық қызметін аяқтауда. Қ.Мәми жемісті қызметі мен екіжақты ынтымақтастықты дамытуға қосқан үлесі үшін елшіге алғыс айтты.
Әңгіме барысында тараптар екіжақты өзара іс-қимылдың өзекті мәселелері бойынша пікір алмасты. «Бірлескен күш-жігердің арқасында біз Қазақстан-Франция қатынастарын стратегиялық әріптестік деңгейіне көтердік», деді Қ.Мәми. Сенат Төрағасы Қазақстан өз экономикасының басым бағыттарына француздың тікелей инвестициясы мен технологиясын тартуға мүдделі екенін жеткізді.
Елші Францияның Қазақстандағы мәдениет маусымы аясындағы іс-шаралар туралы әңгімеледі. Жүздесушілер, сонымен қатар, Қазақстан мен Франция арасындағы парламентаралық ынтымақтастықтың келешегін де талқылады.
