Үшеуі де Сырдария ауданында тіркеліп отыр. Олар коронавирустық инфекция жұқтырған адаммен қарым-қатынаста болуына байланысты карантиндік стационарға жатқызылып, зертханалық сынамалар алынған екен. ПТР диагностикалық зерттеу қорытындысымен COVID-19 диагнозы нақтыланды.
Қазір олармен араласқан адамдар анықталып, барлығы медициналық бақылауға алынып, ауру ошақтарында дезинфекциялық жұмыстар жүргізілуде.
Өңірде вирус жұқтырғандар қатары 69 адамға жетті. Олардың 35-і Шиелі ауданынан тіркеліп отыр. Жаңақорған ауданында 16, Қармақшы мен Сырдария аудандарының әрқайсысында төрттен, Аралда 1, Қызылорда қаласында 9 науқас анықталған.
