Қырық отбасы қатысқан сайыс шартына сәйкес әр шаңырақта құрылған команда мүшелері – ата-аналар, әжелер мен балалар үш номинация бойынша өнер көрсетті.
Әуелгі шарт команда мүшелерін таныстыру болды. Содан кейін музыка әуенімен команданың барлық мүшелері қатысқан флешмоб көрсетілді. Соңында отбасында жиі шырқалып, сүйікті әуенге айналған әнді айту тапсырылды.
Командалар өздерінің өнерін бейнетаспаға, фотоға түсіріп конкурстық комиссияға әлеуметтік желілер мессенджерлері арқылы жіберді.
Байқауға қатысушылардың көпшілігі конкурс шарттарын тиянақты орындап, түрлі деректер арқылы нашақорлық проблемасын, оның қоғамға зардабын да шебер көрсетті.
Байқау комиссиясының шешіміне сәйкес Шиелі ауданындағы Бөпежановтар отбасы жеңімпаз атанды. Шаңырақтың отағасы мен отанасы білім беру саласының өкілдері.
Барлық қатысушылар бағалы сыйлықтармен және дипломдармен марапатталады.
