Қазақстан • 08 Сәуір, 2020

Автомобиль жолдары саласында 130-дан астам мемлкеттік қызмет көрсетілді

12 реткөрсетілді

2020 жылдың қаңтарынан «QazAvtoJol» ҰК» АҚ облыстық филиалдары «Электронды Үкімет» веб-порталы арқылы 134 мемлекеттік қызметті көрсетті, деп хабарлайды ИИДМ баспасөз қызметі.

Дәлірек айтқанда, «Сыртқы (көрнекі) жарнама объектілерін халықаралық, республикалық, облыстық және аудандық маңызы бар жалпыға ортақ пайдаланылатын автомобиль жолдарының бөлінген белдеуінде орналастыруға рұқсат беру құжатын тапсыру» тармағы бойынша 37 қызмет көрсетілген.  

Халықаралық және республикалық маңызы бар автожолдар арналармен, байланыс және электр қуатын беру жүйелерімен, мұнай құбырларымен және темір жолдармен, басқа да инженерлік желілермен және коммуникациялармен қиылысуына рұқсат беретін мемлекеттік қызмет 56 рет ұсынылған. Бұдан бөлек, «Кірме жолдарды және жалпыға ортақ пайдаланылатын жолдарға жалғасатын жолдарды салуға келісу» тармағы бойынша 41 мемлекеттік қызмет көрсетілді.

​Қазақстанда төтенше жағдайдың жариялануына байланысты автомобиль жолдары саласындағы мемлекеттік қызметтерді көрсету штаттық тәртіпке сай жүзеге асырылып жатқандығын айта кету керек.  

Еске салайық. 2019 жылы «QazAvtoJol» ҰК» АҚ 906 мемлекеттік қызметті көрсеткен болатын.

Соңғы жаңалықтар

Ғасыр зұлматы

Қоғам • Бүгін, 09:30

Ұқсас жаңалықтар