Аймақтар • 10 Сәуір, 2020

Шымкентте тағы 4 адам коронавирус инфекциясын жұқтырған

357 рет көрсетілді

Шымкент қаласында 2020 жылғы 10 сәуір күні коронавирус инфекциясын жұқтырудың 4 жаңа жағдайы тіркелді. Бұл науқастардың барлығы індет анықталған азаматтармен тығыз байланыста болған тұлғалар. Бұл тұлғалардың барлығы стационарлық карантинде медициналық қызметкерлердің бақылауында болған.

Инфекцияны анықтау бойынша жүргізілген зертханалық тексеруден COVID-19 сынамасы оң нәтиже көрсетті. Науқастардың жағдайлары қанағаттанарлық, барлығына бекітілген хаттамаларға сәйкес қажетті ем жүргізілуде.

Ауруға шалдыққан науқастардың жас аралығы: 10 және 11 жастағы 2 бала, 54 және 58 жастағы 2 ересек азаматтар.

Науқастармен байланыста болған – 28 азамат анықталды. Олардың барлығы оқшауланып, медициналық бақылауға алынды. Шымкент қаласы бойынша қосымша – 2 ошақ тіркелген. Ошақтарда науқастардың тұрғылықты жері бойынша дезинфекция жүргізіліп, карантинге алынды. Үздіксіз эпидемияға қарсы іс-шаралар өткізілуде.Қазіргі таңда, Шымкент қаласында коронавирус инфекциясының жалпы 31 жағдайы тіркелген.

 

Шымкент

Соңғы жаңалықтар

Коронавирусты таратпаудың қамы

Аймақтар • Бүгін, 07:07

Ұқсас жаңалықтар