Қалалық қоғамдық денсаулық сақтау басқармасының баспасөз қызметі мәлімдегендей, осыған байланысты қалалық орталық клиникалық аурухананың қабылдау бөлімі және тағы бір бөлім карантинге жабылды.
«Науқастарды қабылдау бөлімі мен бір бөлім дезинфекция жасау үшін жабылды. Індет жұқтырғандармен жақын байланыста болған қызметкерлер бақылауға алынды. Инкубациялық кезең 14 күн болғандықтан осы уақытта, яғни қызметкерлер кезекшілікте болған күндері байланыста болған пациенттер де іздестіріліп жатыр», - деді басқарманың баспасөз қызметі.
