Қазір ол инфекциялық стационарға жатқызылып, қажетті ем-дом шараларын алуда. Жамбыл облысының әкімдігі таратқан мәліметке сәйкес, эпидемиологиялық тексеру барысында науқастың Нұр-Сұлтан қаласынан келген жақын туысымен байланыста болғаны анықталған. Онымен жақын қарым-қатынаста болған 3 адам карантинге орналастырылған.
Аталған тұрғын үйдің кіреберісінде және тұрғылықты жері бойынша дезинфекциялық өңдеулер жүргізілген. Сондай-ақ, осы кіреберістің пәтерлерінде тұратын 31 тұрғын 14 күнге оқшауланды. Оларға өз пәтерінен шығуға тыйым салынды. Сондай-ақ, ондағы жұмыс істейтін 3 тұрғынға уақытша еңбекке жарамсыздығы туралы анықтама берілді. Олармен өзін-өзі оқшаулаудың маңыздылығы туралы түсіндіру жұмыстары жүргізілді. Кіреберіс маңында полиция қызметкерлері кезекшілік етуде. Тараз қаласының әкімдігі аталған үйдің карантиндегі тұрғындарын қажетті азық-түлік өнімдерімен қамтамасыз етуде.
