Медицина • 15 Сәуір, 2020

COVID-19: Қашан әлсірейтінін ешкім білмейді

212 рет
көрсетілді
3 мин
оқу үшін

Оның шарықтау шегінің  тіркелетіні, қашан беті қайтып, әлсірейтіні    туралы мәліметтерді тіпті ДДҰ айта алмай отыр.

COVID-19: Қашан әлсірейтінін ешкім білмейді

Ұлыбритания мен Түркиядан жеткен соңғы мәліметтер мәз емес.  Деректер күн сайын жаңа тірклеген науқастар санымен толығып жатыр. Сонымен бір мерзілде, кейбір елдерде жағдайдың   жақсара бастатағаны байқала бастаған.

«Бұл туралы Дүниежүзілік денсаулық сақтау ұйымының ресми өкілі Маргарет Харрис Женевада өткен брифингте айтты»  деп хабарлайды РБК. 

Оның айтуынша, барлық жаңа инфекциялардың 90%  Еуропа мен АҚШ-та кездеседі. Оның үстіне Еуропадағы жағдай біркелкі емес. Егер кейбір мемлекеттерде істер санының аздап төмендеуі байқалса, Ұлыбритания мен Түркияда, керісінше, көбейе береді.

Қытайдағы жағдайға түсінік бере отырып, ДДҰ өкілі бұл елдегі жаңа жағдайлардың 90% импортталғанын, басқаша айтқанда сырттан келген адамдар арқылы көбейгенін айтып өтті:  Инфекцияның бастапқы ошақтарында Қытай жерінде  жағдай тұрақты. ДДҰ өкілі сонымен бірге алдағы 12 айда коронавирустық вакцина жасауға болатынына күмән келтірді.

Бұған дейін бірқатар мамандар  COVID-19-дің бірыңғай вакцинасының барлық дерде бірдей көмектесетініне күмән келтірген: Себебі Италия немесе Франциядағы дерттің әсерін Қытай, Орта Азиядағы жағдаймен салыстыруға болмайтыны байқалып қалды.  

Бір күн бұрын, Шанхайдағы пневмонияны емдеу жөніндегі сарапшылар тобының жетекшісі Чжан Вэньхонг коронавирусты жыл соңына дейін толықтай жеңуге болмайтынын алға тартты. Оның айтуынша, қараша айында әлем індет таралуының жаңа толқынын күтеді, бірақ оның салдары бұдан былай апатты болмайды. Қытайлық маман екінші толқыннан Африка мен Оңтүстік Американың жетілмеген денсаулық сақтау жүйелері ең көп зардап шегетінін атап өтті.

Джонс Хопкинс университетінің мәліметі бойынша, бүкіл әлемде 1,95 миллион адам коронавирусты жұқтырған. Жұқтырғандардың ең көп саны АҚШ-та (582,5 мың), Испанияда (170 мың), Италияда (159,5 мың), Францияда (137,8 мың) және Германияда (130 мың) тіркелді. 119,8 мың адам қайтыс болды, 458,5 мың адам қалпына келтірілді.

Осыған дейін әлемдік  БАҚ АҚШ-та  ДДҰ-ны қаржыландыруға бас тарту туралы әңгіменің жүріп жатқанын айтқан.  bbc.com порталы осыдан 4 сағат бұрын  АҚШ президенті Дональд Трамп, Дүниежүзілік денсаулық сақтау ұйымының (ДДСҰ) бюджетіне  АҚШ жарна төлеуді  тоқтата тұруға бұйрық бергенін хабарлады.

Дүниежүзілік денсаулық сақтау ұйымын қаржыландырудың ең  көп бөлігі АҚШ-қа тиесілі:    Өткен жылдың өзінде олардың салымы 400 миллион долларды немесе ұйым бюджетінің 15 пайызын құрады.

«БҰҰ Бас хатшысы Антонио Гутерриш «Қазір бұл вирусты және оның [індеттің] апатты салдарын болдырмауға арналған халықаралық қауымдастықтың бірлескен жұмысының уақыты келгенін айтты»,  деп хабарлады Рейтерс агенттігі.

Демек, бұл індеттің бетін қайтару үшін адамзатқа күш біріктіруден өзге амал жоқ.