Тараз қаласының әкімдігі коронавирус індетін жұқтырудың алдын алу мақсатында төтенше жағдай кезеңінде келесі санаттағы тұрғындарға азық-түлік жиынтықтарын алу үшін ақшалай түрде көмек көрсетілетінін хабарлайды. Берілетін көмектің көлемі 5 567 теңге.
Бұл ақша азаматтардың жеке шоттарына аударылу арқылы жүзеге асырылады. Әкімдіктің ақпаратынша, медициналық-әлеуметтік мекемелерде тұратын мүгедектерді қоспағанда, барлық жастағы 1,2,3 топ мүгедектері, он алты жасқа дейінгі мүгедек балалар, мүгедек бала тәрбиелеп отырған адамдар, атаулы әлеуметтік көмек алушы отбасылардың 6-18 жас аралығындағы балаларына көрсетіледі.
«Сондай-ақ халықты жұмыспен қамту мәселелері жөніндегі жергілікті органда тiркелген жұмыссыздарға ұсынылады. Көмекті алушылар туралы барлық мәлімет «Е-Халық» ақпараттық жүйесінен алынады. Өтініш берілмейді», делінген ақпаратта.
Жамбыл облысы
