Covid-19 диагнозы жаңадан қойылған алматылықтардың үшеуі 2000 жылы туған, екеуі 2001 жылғы. Олардың барлығы бұрын жұқтырғандармен қарым-қатынаста болғандар, карантиндік стационарда оқшаулауда жатқан.
Дегенмен, бүгін 6 пациент жазылып шықты, олардың ішінде 4 әйел мен 2 ер адам бар.
Ұшып келгендердің ішінен емделіп шыққандар төрт адам, біреуі жергілікті вирусы бұрын анықталған адамдармен байланыста болған және Балалар жұқпалы аурулар ауруханасының бір медицина қызметкері.
Алматыда Covid-19-дан 67 адам сауығып шыққан.
Қазіргі уақытта жұқпалы аурулар стационарларында Cоvid-19-дан Алматы облысынан бір әйелді есептегенде, 329 пациент емделіп жатыр.
Емделіп жатқандардың денсаулығына келсек, 1 пациенттің жағдайы өте ауыр, 5-уінде – ауыр, 50 адамда – ауырлықтың орташа дәрежесінде, 273 адамның жай-күйі – қанағаттанарлық.
Жалпы, осы күнге дейін Алматыда коронавирустық инфекцияны жұқтырған 398 оқиға тіркелді.
Провизорлық госпитальдарда 368 азамат бар, оның ішінде 7-і бала, карантиндік оқшаулауда – 426, үй карантинінде – 7288 адам бар.
